MRF-svele
MRF-svele er eit eige begrep når det gjeld sveler, og stammar frå ferjene her i Møre og Romsdal. Dei blei tidlegare drifta av MRF - Møre og Romsdal Fylkesbåtar og serverte sveler i kafeteriaen. MRF har forsvunne, men svelen er framleis på plass. På mest kvar ei einaste ferjestrekning kan du få kjøpe tjukke sveler med smør og sukker på, og nåde den som fjernar dette frå menyen!
40 min
Lett
Denne oppskriften er hentet fra:https://kvardagsmat.no/2018/01/06/mrf-svele/
Ingredienser
- 5 stk egg
- 2 dl sukker
- 1 l surmjølk
- 1 l kveitemjøl
- 1 ts natron
- 1 ts hjortesalt
- 75 g smør
Fremgangsmåte
- Smelt smøret.
- Visp egg, sukker, natron og hjortesalt godt saman.
- Bland inn surmjølka.
- Bland inn mjølet.
- Bland inn det smelta smøret.
- La røra svelle i 20 min under eit kjøkkenhåndkle.
- Røra skal vere tjukkare enn ei vaffelrøre, men framleis så rennande at den flyt uttover når du har den på steiketakka. Kanskje må du justere med litt meir mjøl for å få den akkurat passse.
- Varm steiketakka og smør godt med smør. Steik på middels høg varme, til svelene blir gylne på begge sider. Kanskje må du justere temperaturen på takka undervegs, dette varierer frå takke til takke.
- Avkjøl svelene på rist og server lunkne med smør og sukker, eller smør og brunost.
Tips
- Sveler kan gjerne frysast, men då utan smør og sukker. Tin dei og varm dei litt før du smører og serverar.
- For å vite når du skal snu svelene og steike på andre sida kan du sjå etter bobler som dannar seg på overflata av røra og sprekk opp. Då er det som regel på tide å snu og steike på andre sida.